طريقة عمل صنية بالفرن روووووووووووووعة

طريقة عمل صنية بالفرن روعه
اول شي قطعي بصل ناعم مع ثوم وحمسيه في زيت زيتون
لين يشقر لون البصل


قطعي بطاط حلقات رقيقه
اقلي البطاط

نرجع للبصل لما يشقر ضيفي صدور دجاج مقطعه بشكل طولي ورقيق

لما ينشف ماء الدجاج بهريه
بمكعب ماجي ..فلفل احمر مجروش..بابريكا..اوريجانو...بقد ونس جاف...فلفل اسود
خلطي الدجاج

نجي لسر النكهة الحلوة في الصينيه ضيفي نص كوب زيتون اسود مقطع

ونص كوب فطر شرايح

خلطي المزيج وخليه جم دقيقه على النار

ابشري طماطم كبيرة وضيفيها للدجاج

خليه على النار 5 دقايق عقب طفي النار
حطي الدجاج في صينية الفرن

رصي طبقه الثانيه ..البطاط المقلي حطيه على الدجاج

رشي عليه نص كوب جبن مبشور تشيدر


نجهز الخلطه..3 ملاعق جبن سائل...3 ملاعق قشطة...2 ملعقه مايونيز استخدمت اللي بالفلفل الحار

حطيه على وجه الصينية


حطي موزريلا على الخلطه


دخليها الفرن اول ولعي النار تحت ربع ساعه تقريبا عقب ولعي فوق

ممممممممممممم الريحه روووووعه

الاختيار لك تحبين في صمولي او مع خبز او مع رز كله ينفع مع الصينيه الخطيرة



اواعمليها ساندوش مع سلطه عبارة عن خس ونعناع وجزر او اي نوع سلطه تحبيه..وبصل ابيض وليمون

شكرا لك

وصفه لذيذه خاصه اذا فيها موزيرلا ودجاج في الفرن
شكرا لك غموض البحر وجاري التنفيذ

بالعافيه على قلوبكم
وشكرا على المرور الطيب